صوت القلوب ..قصة القلب والحب ..الذي يتحدى الطبقة والعجز .

صوت القلوب 7
مرت دقائق قبل أن ترفع يده وتمسح دمعة منحدرة من عيونها
هو : نظر إلى وجهها والدموع بادية عليه . وقال : شوبك
فيه شي
الخرساء : هزت رأسها بمعنى لا
هو : ليش الدموع
الخرساء : غيرت اتجاهها على السرير ليكون ظهرها مواجها إليه
ولم تجاوب على سؤاله " كانت تخاف من هذا الحنان وهذا القدر من
المثالية هل تستطيع أن تقاوم الإعجاب به وماذا لو ...... لم ترد حتى
التفكير بالكلمة مع نفسها وبدأت في ترديد كلمة واحدة إنت وعاء وخلص
لا تخلي الأحلام تاخدك لبعيد
تركها وبقي على كنبة في الغرفة
بقيت ساعة أخرى قبل أن تقوم وتراه نائما على الكنبة
لمست كتفه
استيقظ ونظر إليها وهي تقف قبالته
الخرساء : أشارت إليه أن ينام على السرير
هو : لا عادي مرتاح هون ارتاحي إنت
الخرساء : أمسكت بيده وجرته بقوة
هو : انقاد معها
الخرساء : أوقفته قبالة السرير ودفعته عليه
وغطته وأشارت له أن يصمت
هو : ضحك من تصرفها وقال : والله قوية اللي براسك ما بينزل
الأرض قوية والله
الخرساء : أغمضت عينيه بيديها
هو : خلص نايم
وفعلا نام على السرير
وهي جلست في مقابل النهر ترسم
في الطرف الآخر ذهبت زوجته لترى الخرساء وتطمئن عليها
لم تجدها ففكرت أول ما فكرت في عائلتها
هي : معقول سمح لها تروح عندهم أكيد هو وصلها لإن هي مش
ح تقدر تخرج أصلا من غير حد منا
يعني ما قاليش ما هو مش بيخبي عني حاجة , لا بقى يخبي
مش عارفة بقيت مش عارفاه أوقات بحس إنه مش واضح معاية
, لا لا بلاش أخلي الشيطان يدخل بينا دا أحب وأخلص راجل في
الدنيا، دي قصتنا لسى بينضرب بيها المثل وضحكت عندما تذكرت جنونه
وحبه الأسطوري
وصلت إلى الحارة التي تسكن بها الخرساء
وطرقت الباب كالعادة
لم يجب أحد أعادت الطرق
سألت أحد المارة
هي : تعال لو سمحت انت تعرف أبو أحمد اللي هنا أبو البنت الخرساء
المار : لكان بعرف أبو أحمد
هي : تعرف هو فين دلوقتي
المار : لا والله ما بعرف صار له شي يومين مو مبين
هي : آه طب شكرا
تساءلت أين يمكن أن يكون قد ذهب مع ابنته المريضة ، أسأل مين ،
تذكرت أول من عرفها على عائلة أبو أحمد ابنها أحمد الذي يعمل
في أحد المطاعم في دبي والذي قابلته وطلب منها مساعدة أسرته
وترجاها أمام عدد من الأصدقاء ووعدته أنها ستساعد أسرته
وقد وفت بوعدها
لم يكن رقم أحمد مدرجا على هذا الجوال
رجعت للمنزل وأخرجت جوال آخر وفتحته ووجدت الرقم
اتصلت ب أحمد الذي رد عليها
هي : أحمد عامل إيه في شغلك
أحمد : أهلا يا ست والله مو مصدق حالي عم اسمع صوتك وبحب
اتشكرك كتير لأنك عالجتي غادة
هي : لا دا أقل واجب
أحمد : والله يا خانم لولا إنك قايلة إنك ما بتحبي الشهرة وحلفتيني
ما احكي عن مساعدتك لعيلتي كنت
هي : أحمد انت أخ وكلنا لازم نقف مع بعض
آه صحيح أنا عايزة أسألك هما بابا وأهلك مش في بيتهم اللي في الحارة ليه
أصل عندي مساعدة ليهم
أحمد: شو ؟ أنا ما بعرف بس شوي بتصل اسأل بابا وينهم
وبخبرك
هي : آه لكن اسأل من تحت لتحت انت عارف أبو أحمد وعزة نفسه
يعني انت اسأل عن أخبارهم وقول إنك بعت حد من أصحابك يسأل
لكن ما لقاهمش
أحمد : تكرمي يا ست هلأ بتصل ب بابا
كان أبو أحمد رجع لتوه مع غادة من جلسة من جلسات الكيماوي
وغادة مرهقة جدا حملها ووضعها في سريرها
عندما رن تلفونه
وضع غادة ورد على التلفون
أبو أحمد : أهلا وسهلا يا أحمد يا ابني مشتاق
أحمد : وأنا أكتر يا أبو أحمد كيفك يا بابا شو عامل وشو أخبار البنات
أبو أحمد : مناح يعني غادة هلأ رجعتها من جلسة
ولما بشغلها
أحمد : كيف حال غادة بابا فيه أمل
أبو أحمد : ايه طمّنا عليها الدكتور وقال الحمدلله ممكن تطيب وترجع
بتوب العافية
أحمد: ولما شو عاملة
لم يكن أبو أحمد قد أخبر أحمد عن زواج أخته ولم يعلمه كيف ساعدتهم
الست فقط قال ساعدت ، و سكت وهو يسرح لوعرف أحمد شو
ممكن يعمل ممكن أحمد دمه حامي ويمكن يقتل أخته ومحا يصدق إنها
اتجوزت هيك
أحمد : بابا شوبك ما عم ترد
أبو أحمد : لا بس كنت عم شوف غادة شو عم تقول
أحمد : عم اسأل عن لما شو أخبارها
أبو أحمد : منيحة بشغلها
أحمد : بابا انت وينك مالك بالبيت
أبو أحمد : شو عرفك ؟
أحمد : ايه بعتت واحد من صحابي رجع ع البلد بشي قال ما لقاك
أبو أحمد : ايه صح مشان غادة والجو يكون منيح نقلت من الحارة
أحمد : وينك هلأ مشان ابعت لك
أبو أحمد : خد العنوان " وأعطاه العنوان "
أحمد : بابا كيف دبرت مصاري لهيك مطرح يعني غالي كتير
أبو أحمد : ايه الست ما قصرت معي
أحمد : الست
أبو أحمد : ايه هي اللي عطتني الشقة مشان غادة
أحمد : شعر بأن والده يكذب عليه ولم يتعود الكذب من أبوه
وسكت ولم يعرف ماذا يقول
أبو أحمد : أحمد وينك قطع الخط
أحمد : ها لا معك بس محتار كيف اشكر الست هلأ بدق لها بشكرها
أبو أحمد : لا لا بلا ما تدق لها أصلا هي قالت خلي الموضوع سر
أحمد : آه والله
أبو أحمد : لما بترجع لهون بدي احكي لك عن أشياء كتيرة
أحمد : أكيد بابا أكيد هلأ بقلك باي
احتار أحمد في أمر والده ولماذا يكذب وماذا يخبئ
والست شو بدها ب بابا وليش بدها تعرف عنوانه شو صار يا أحمد
لم يتصل بالست ولكن بعد ساعة , اتصلت هي
هي : ها يا أحمد وصلت لبابا
أحمد : والله يا ست عندي سؤال محتار فيه
هي : أيوة يا أحمد
أحمد : إنت ليش مهتمة بعيلتي هالقد
هي : لا أنا عادي لكن انت عارف إني كلمت ناس عشان غادة وساعدوا
وفيه ناس تانية عايزة تساعد ولازم أوصل المساعدة أنا لإن باباك اتعود علية
ومش عايزة كل حد يجي يتفرج ودا غلط لكن لو مش مستريح أو مش
محتاج أنا مش عايزة وفيه غير عيلتك ناس كتيرممكن تستفيد
أحمد : أنا آسف يا ست خدي العنوان بس يا ريت تقولي لي كيف بابا
بيقول إنه إنت اللي عطيتيه البيت وإنت مو عارفة العنوان
هي : إيه معقول يكون
أحمد : يكون شو ؟
هي : آه صحيح فيه واحد من المحسنين قال عايز يدي غادة مكان تقضي
فيه فترة النقاهة
أحمد : آه والله وإنت ما عندك خبر ؟
هي : أنا كنت مسافرة رجعت من كم ساعة بس ومش عارفة
ومستعجلة عشان عندي سفر
أحمد : الله يساعدك يا مدام سامحيني
أقفل معها وهو يشعر أن والده والست كاذبين وأن هناك شيء ما غلط
في اليوم الثاني لهما في باريس بعد الإفطار
هو : هلأ منروح للدكتور ونشوف شو الإمكانية
الخرساء : هزت رأسها موافقة
هو : لا تعبسي أنا حاسس إنه فيه أمل
الخرساء : ابتسمت وأخرجت دفترها وكتبت " أنا لو قدرت اسمع أو احكي
بيكون لأنك ساعدتني وراح انولد من جديد "
هو : لا تحكي هيك هلأ فكري بس بشكل إيجابي
توجها إلى الدكتور وهما يمسكان يدا بعضهما بقوة
الخرساء : كتبت عندي طلب منك
هو : شو احكي
الخرساء : ترجم لي أول بأول ما بعرف شو عم تقولوا
هو : ماشي بقلك أول بأول
وصلا عند الدكتور
هو : لاحظ أنها زادت الضغط على يده وعرف أنها متوترة
ربت على يدها بيده الأخرى وضمها لصدره
الدكتور : الأخبار حلوة كتير
هو : ها قول
شعرت الخرساء أن وجهه مستبشر ومبتسم
الدكتور : منقدر نعمل عملية ترجّع من 60 إلى 80%من سمع المدام
الخبر الأحلى إنه حبالها الصوتية سليمة والمتوقع إنه
حالة نفسية ناتجة عن إنها ما عم تسمع بطلت تحكي
ومع رجوع السمع ح نحتاج لجلسات نفسية وتأهيل وكله بيرجع
هو : وايمتى منقدر نعمل هالعملية
الدكتور : هلأ مرتك حامل ونحنا حتى الفحوصات كنا كتير
حذرين فيها وما منقدر نعمل شي حتى تولد
هو : شكرا يا دكتور وأكيد راح نرجع بعد الولادة
الخرساء : ضغطت على يده
التفت إليها وقال هلأ بحكي لك لا تخافي كله حلو
ابتسمت للتطمين
انتهى مع الدكتور وخرجا
هو : اسمعي أنا هلأ بكامل قواي العقلية بقلك لو بدك تسقطي الولد
وتعملي العملية وترجعي تسمعي أنا ما عندي مانع
الخرساء : نظرت إليه وتغيّر الفرح لديها لحزن
وكتبت ليش أنا بدي جيب الولد ولازم تفرح بابنك ولاعاد تحكي هيك
هو : الدكتور قال إنك ممكن ترجعي تسمعي وبنسبة منيحة وحبالك
الصوتية ما بها شي وإنه ممكن يعمل لك العملية بس بعد ما تولدي
يعني أنا ما بدي كون عقبة بطريقك فهمت عليي
الخرساء : كتبت : خلص انت قلت بدك تساعدني لاعمل العملية أنا
بجيب الولد وبنفذ الجزء من شرطي وأنا واثقة إنك راح توفّي
بكلمتك وبعمل العملية ،أنا صبرت كتير شو بقي كم شهر
وبيجي الولد للنور "
هو : أنا بوعدك إنه مهما كلف الأمر راح ترجعي تسمعي ما دام فيه أمل .
أما على الطرف الآخر فقد كانت زوجته في طريقها لمنزل أبو أحمد
الجديد ضغطت على الجرس
فتح أبو أحمد الباب ليفاجأ ب الست أمامه
وقف أبو أحمد دون حركة
هي : إيه يا أبو أحمد مش ح ترحب بية
أبو أحمد : ايه أهلا يا ست اتفضلي بيتك
هي : دخلت ونظرت لكل شيء حولها وحاولت أن تخمن الأسعار
هل من الممكن أن يكون من المية ألف طب وعلاج البنت
وبعدين دي حاجات غالية جدا لا دي أغلى من المية ألف
والمكان مش عادي لا يمكن أصلا أبو أحمد يفكر يجي يأجرهنا
أبو أحمد : اتفضلي يا ست
هي: شكل الحياة حلوة معاك يا أبو أحمد مين جاب لك البيت دا
أبو أحمد : فكر وحاول أن يجد حلا " قال " والله بتعرفي المصاري
اللي عطانا ياها البيك و
هي : لا دا أغلى بكتير من الفلوس اللي استلمتها عموما مش مهم عندي
منين جبت الفلوس
لكن هي بنتك فين جيبها عايزة أكلمها
أبو أحمد : احتار ماذا يرد وكيف له أن يعرف ماذا عليه أن يقول
وأخيرا قال : راحت عند وحدة قرايبتنا
هي : إيه مين قال تعمل كدا ممنوع بسرعة خليها ترجع
أبو أحمد : والله جوزها سمح
هي : طب بس ما تقلش جوزها واعرف إيه العلاقة مش تكبرها كدا

.............................................يتبع

صوت القلوب 19
مرت الثلاث ايام التى ضربها احمد موعدا لحضوره
اتصل احمد على والده
احمد : بابا انا هون بالبلد مو عارف وين اروح
ابو احمد : انا جاي اخدك نحكي
احمد : خلص ناطرك قدام المحل اللى كنت باشتغل فيه قبل ما اسافر
ابو احمد : جاي
خرج ابو احمد ليلتقي ابنه ورجلاه لا تكاد تحمله خوفا منه وعليه
وصل ابو احمد ليجد ابنه على غير ما اعتاد ان يراه لم يكن جميل الهندام
او مرتب الشعر كان كانما استيقظ من النوم وعيونه متورمة كمن شرب المحيط
احمد : ارتمى في حظن والده وقبل راسه ويده
وكذلك والده فعل وصعدا في التاكسي الذي اوصل ابو احمد عائدا للشقة
لم يقل أي منهما أي شي في الطريق وظلا صامتين صمت من فقد اعز حبيب
دخل ابو احمد الشقة وقال :
تفضل يا احمد ادخل
احمد : خطى لداخل الشقة وقال " هاد الثمن بابا "
ابو احمد : اجلس وبلا ما تحكم علينا
احمد: كلى سماع
وهنا خرجت غادة وقالت :
اخي احمد " وارتمت عليه "
احمد : يا حياتي يا غادة ما احلاك الحمدلله انك طبتي ومسح على شعرها الذي بدا ينبت
غادة: راح يرجع شعري ويطول زي ما كان هيك قلى الدكتور
احمد : ايه حياتي طبعا بيرجع
غادة : بابا يا ريت لما هون كمان
ابو احمد : أي طبعا قلبي روحي هلا العبي في غرفتك وبعدين نلعب معك
دخلت غادة ولكن ظلت قربية حتى تعرف أي خبر عن لما
احمد : شفت يا بابا لو انت صادق انك جوزت لما ليش حتى غادة مو عارفة بابا قول كل شي
ابو احمد : " فكر هل يحكي له كل شي خاف ان يظل الشيطان هو المسيطر عليه " قال : شو سمعت انت
احمد : ارخى راسه واخفظ صوته وهو يقول " راحت مع عربي تعرفت عليه في ملهي وهلا تركها لواحد من شغيلته بعد ما مل منها "
وقف ابو احمد بغضب وقال :
ابو احمد : ولك تفو عليهم هن ناس وسخة اقول لك اختك اجوزت
والله العظيم اتجوزت
احمد : مين وكيف ووين هي هلا
خرجت هنا غادة وقالت :
غادة: بابا لما ما اجوزت كيف ما صار فرح ما شفت انا فرح
احمد : سمعت بابا سمعت شو حكت بنت السبع سنين
ما اجوزت ما حصل فرح رد عليها بابا اذا فيك احكي لها شو صار
ابو احمد : ادخلى غادة وبلا ما تسمعي ادخلى
وغلق الباب خلف غادة ورجع للجلوس مع ابنه
قال : اسمع معاك حق مو عارف شو اقول انا غلطت اني وافقت بس ما كان قدامي حل بنتي بتموت قدام عيني ولما مصرة انها توافق على هيك حل وشو اقدر اعمل العقد بس ورقة بيناتنا والورقة مع جوزها
احمد : ما تقول جوزها بابا انت عارف انها بس ورقة تريح ضميرك
قدام حالك انت بعت بابا وهي رضيت تنباع انا مو للبيع ابدا وهاد البيت
وشو ما عطاك ما تهمنى ابدا
ابو احمد : ما تحكم علينا يا ابني الرجل كان ومازال طيب وح يحمي سمعة اختك
احمد : لو بدو يحمي سمعتها كان كتب عليها بدل ما استغل حاجاتها وتمتع فيها شو بابا مو هيك صار
ابو احمد : " التزم الصمت وبدا يخطط كيف يحفظ حياة لما من اخوها "
قال : اسمع شو ما بدك تعمل ما ح تقدر تعمله هون مثل ما حكوا لك
الناس راجل عربي اخدها معه لبرا وانت هون بعيد عنها كتير
وهاد احسن شي خلك هون جنبي
احمد : وين هن احكي بابا
ابو احمد : لا ليش احكي عشان افقد اولادي الاتنين من كل عقلك انت
انت ابني الوحيد وشايف حالى فيك بدك تضيع حالك ما ح اسمح بهيك ابدا
احمد : بابا انا راح اخرج من هون مخنوق ما ح اقدر ابقى هون
ابو احمد : حرام عليك يا ابني تعمل في هيك ابقى معي ومع اختك
و
احمد : لا بابا انا خارج بوس لى غادة وانا ما ح ارتاح حتى اشوف دمه ودمها خدها منى . وخرج احمد
اتصل احمد على رقم خالد
احمد : انت اتصلت فيه من قبل وحكيت معي شي عن اختي الخرسا
خالد : هه ايه " بخوف "
احمد : بدي اقابلك
خالد : لا لا انا ما بقدر يعني
احمد: ما تخاف انا تاكدت من حكيك وطلع مزبوط بس بدي اسال
شويه اسئلة
خالد : تنفس الصعداء وقال : ايه ممكن بس ما تزعل منى انا بس
ما حبيت حدا يحكي عنك وعن بيك
احمد : خلص خد العنوان وتعال بدي احكي معاك
كان احمد يريد ان يعرف اين يمكن ان يجد اخته وفي أي بلد عربي
تعيش الان
ما ان اتصل احمد على خالد حتى بادر خالد للاتصال بها
ولكنها لم تكن تفتح جهازها
قرر ان يذهب ويرى ماذا يريد احمد وكيف سوف يتصرف معه
احمد :كان جاسا وهو يقظم اضافره في انتظار خالد
وصل خالد الى المكان وجال بنظره عله يرى احمد
واخيرا لمحه كانت ملامحه قد غدت اكثر رجوله وربما لانه لم يحلق
ذقنه كان يبدو اكثر صرامة مع ان قضمه لاضافره يدل على اهتزاز
اقترب خالد من طاولة احمد
خالد : احمد مو مغير شكلك شوي ما عرفت من اول لمحة
احمد : نظر اليه وهو لا يتذكره ولا يجده في عقله ابدا قال : سوري بس مو عارفك ولا مزكرك بصراحة
خالد : ايه صح نحنا ما كنا رفقه اما اكبر منك بشي خمس ست سنين او بركي اكتر بس باعرفك وانت صار لك مسافر كم سنه بتيجي بس فترات قصيرة ولهيك ما بتركز في الناس بس بصراحة مو عادتك في اللبس
وذقنك وو
احمد :مش مهم هاد كله هلا انا عندي سوال محدد مين هو الراجل العربي
شو اسمه بلدو كل شي بتعرف عنه
خالد : انا ما بعرف شي انا بس سمعت وغيري سمع بس انا ما حبيت
انه احكي من وراك وقلت لازم اخبرك
احمد : طب تخدمني وتكمل معروفك معي تسال وين سافر هاد الحيوان مع اخت لا مو اختى ما عاد عندي خوات خلص
خالد : ايه اسالك
احمد : انا عرفت انه قال سافر بس لوين لاي بلد بدي اعرف
وبدي الاسم اذا تقدر " واخرج بعض المال واعطاه ل خالد "
خالد : لا لا ما حبيتها منك نحنا اهل واخوة ولبعض ضب مصاريك
انا ادور لك على المعلومات لو لقيتها باعطيك اياها
احمد : مو مشانك المصاري يعني يجوز تتغلب وانت عم تدور المعلومات
بيكون معك تدفع فهمت على
خال: أي اذا هيك ماشي هات واذا زاد شي برد لك
هلا انا رايح ادور على المعلومات وانت انطر مني تلفون
احمد : ناطر شو ورايه غير النطرة .
عرف ابو احمد ان ابنه لن يقف وسوف يسال وقد يصل الى اخته
رغم انه كذب عليه وقال له رجل عربي وانه سافرت بس ممكن ما يصدق وممكن احد بيكون عرف شي يتبرع يخبرو عن مكان اخته شو عرفني مين عارف من جهة البيك والست عن مطرح بنتي لازم اقول للبيك واخبرو والله راسي صار بيوجعني من كتر التفكير ما بدي ابني يرتكب
جريمة في حق حاله واخته بدي اشوفه واشوف اولاده مو اقبر ولد
واحبس التاني يا ربي لا تعاقبني في اولادي انا غلطت يا ربي اني
قبلت اخلى بنتي تضحي هيك تضحيه يا رب سامحني
امسك التلفون واتصل على البيك .لم يتلق ردا
ابو احمد شو اعمل هلا قال اتصل واحكي شو ما صار معك بس هلا ما عم يرد يالله
جلس ابو احمد وهو ينظر للتلفون كل ساعة ويحاول الاتصال ولا رد
كانت الساعة قاربت الواحدة ليلا عندما قرر الاتصال مرة اخري
بعدما ظل يتصل في السبع ساعات الماضيه
وصله الاتصال وهو في احد المطاعم معها
كان جهازه على الاهتزاز شعر به في جيبه
نظر الى الرقم والى كميه الاتصالات وعرف ان هناك خطب ما او ما اتصل ابو احمد كل هذه الاتصالات خطر على باله اول ما خطر ان لما فقدت الطفل وشعر انه فجاءة اطفئت كل الاضواء
اعاد التلفون الى جيبه .
وقال بعد دقيقة من ذلك
بدي اروح الحمام
وانسحب الى الحمام وهناك اعاد الاتصال ب ابي احمد
هو : الو ابو احمد شو صار ؟
ابو احمد : كان صوته كمن كان يبكي "قال : مو عارف شو احكي باعرف اني زعجتك بس لازم
هو : احكي شو صار للما والولد احكي
ابو احمد : ما صار لهم شي بس ابني احمد
هو : يعني لما بخير والولد بخير لا تكدب على
ابو احمد : ايه بخير بعتت لى لما طمنتني عن حالها ما بها شي
بس احمد
هو : يالله شو صار فيي قلبي وقع ’, هه احكي شو ماله احمد
ابو احمد : اسمع ومنيح اسمعني الموضوع مو مزحه هاد ابني
اهل الحارة متصلين فيه ومكترين حكي على اخته وانه راحت مع واحد
وهيك قصص وهو جاي يقتل اخته واللى راحت معه وانا قلت له سافرت
برا بس مو عارف اذا صدقني او لا بس حاط في راسه فكره وحده بدو يقتل اخته وياخد بشرفه
هو : انت ما قلت له جواز اللى صار
ابو احمد : ايه قلت قال وين العقد ووشو اسم جوزها وانت بتعرف ما بقدر احكي شي ومافي عقد وهلا انا تاكدت اني بعت بنتي والله بيحاسبني
هو : اسمع ما تحكي هيك انت هلا اطمن والدنيا مش فلتانة ما ح يقدر يعمل شي انت مو عرفان شي هي في مكان امين
ابو احمد : والله يا بيك انت ما بتعرف ابني احمد ح يدور على اخته
حتى يلاقيها وح يقتلها انا خايف عليه وعليها يا ويلى
هو : خلص ارتاح انت ما تعتل هم
اغلق الخط وهو لا يعرف كيف يتصرف , هل فعلا يقدر ان يصل احمد اليها ويقتلها هل يعرف مكانة
شو اعمل هلا لازم ارجع لو بقدر هلا ما اقول لا يالله شو هاد الحظ
اتصل وحاول ان يجد طائرة ان لم يكن الليلة فغدا . وجد رحلة للغد
رجع لزوجته
هو : بدنا نقلص اسبوع العسل
هي : ايه يعني
هو : صار لنا خمس ايام ب الليلة
هي : طب ونقلص ليه حصل ايه قول
هو : اه مشاكل في الشركة لازم اروح بنفسي مشان احلها
هي : لا مش ممكن انت قلت مفيش شغل
هو : ايه وانا عند وعدي بس هاد شي ضروري وانا ما احب افوض حدا في موضوع التوقيع وهيك اشياء بتعرفي
هي : طب واسبوع العسل بقى خمسة عسل
هو : ههههههههههههه والله انت اللى عسل
ما تخافي نحن عسلنا معنا وين ما كنا يالله نرجع مشان تجهزي كل اغراضك بكرا راجعين
هي : لا مش ممكن خلص حجزت
هو : لو لاقي سفرة هلا ما قلت لا بس شو اعمل مافي غير بكرا
هي: طيب ماشي ورجعا الى موقعهم
دخلت تعد الحقائب وفتحت تلفونها الخاص ب خالد لتجد فيه رسالة اتصلى للضرورة
توجهت للحمام مثل العادة واتصلت على خالد
هي : فيه ايه
خالد : اجي احمد وابوها حكي اانه عربي واخدها معه لبرا
هي : اه وبعدين
خالد : بدو يعرف في أي بلد اخته مسافرة
هي : اه " واخذت نفكر كيف تجعله يبقى في البلد ويبحث عنها
قالت : لا هي في البلد هو بس الراجل سافر وتركها هنا يروح ويجي عليها
خالد : وين هي
هي : مش لازم تعرف تمام بس ممكن يلاقيها هنا اسمع مش هو بيقول
انها سافرت , قوله انك سالت حد في المطار واسمها مش موجودمع المسافرين يعني مش مسافرة برا ابدا
انا ح ادلك حد يقولك انها مش مسافرة وهو معاك في المطار يدور قدامك
خدو معاك وخليه في البلد وخليك على اتصال
خالد : تم
..........................يتبع

صوت القلوب 21
لم تستطع النوم رغم انها مرهقة جدا من الرحلة ولا تكاد تشعر بما حولها
ولكن عيونها وعقلها ترفض النوم وهي لا تعرف اين هو فكرت انه قد يكون عندها ولكن استبعدت الفكرة لانها رات بام عينها مدي الحب الذي يحمله في قلبه لها وكيف لاي انسان ان يحب شخصان معا .
بس يمكن عشان ابنه راح ليها طب انا اعرف ازاي , بكرا اروح واشوف
بيت المزرعة وابقى اشوف راح لها او لا.
كان احمد لا يعرف كيف يتصرف ولكن قرر ان يتكلم مع والده ويعاتبه لانه كذب علية .
كان ابو احمد مستغرق في تفكيره ماذا يمكن ان يفعل لانقاذ اولاده من انفسهم فلم يتخيل ان يكون عليه ان ينقذ احد اولاده من الاخر ولكن هذا ما حصل وهاهو احمد الذي يعده سندا لاختيه يتربص باخته ليقتلها بناء على كلمات الناس , وافكارهم عن الاخرين شو ممكن تعمل اختك يا احمد وهي بتشوف اختها عم تموت كم فرصة كانت قدامها هي ما غلطت ولا باعت حالها هي اتزوجت على سنة الله ورسوله بس كيف تقتنع يا ابني وما تضيع حالك وتضيع اختك ؟
طرق احمد الباب :
ابو احمد : شعر بسعادة لرؤية احمد ومنى النفس ان يكون تراجع عن افكاره " قال " تفضل يا ابني
احمد : دخل الى وسط الغرفة وظل واقفا وكانما يتقزز من المكان
كان يفرك يدا بيد واخيرا قال " بابا بدي اسالك وما تكدب على لما هون ما سافرت متل ما قلت "
ابو احمد : لا سافرت " واشاح بوجهه بعيدا عن ولده
احمد : بابا انا سالت في كل مكان ما خرجت من البلد شو بدها تتسرب يعني بتكون يا سافرت بر يا بحر ما خرجت من البلد .
ابو احمد : شو عرفني وين راحت ما بعرف عنها شي ليش تسالني
احمد : شايف كيف نت ما تعرف عنها شي وبتدافع عنها وتقول اتجوزت
ابو احمد : والله يا ابني جوزها حط ايدو في ايدي وشهود بس مافي شي
عقد رسمي ظروفوا ما بتسمح شو اعمل واحنا بحاجته وبدنا اختك تتعالج
احمد : بابا انا فهمان عليك انك بدك تحمي لما بس يا بابا حتى لو صدقت اللى عم تحكية تقدر تقنع حدا بهاد الكلام تقدر تسكت احد ابدا انا ما اقدر ارفع راسي غير بعد ما اقتلها واغسل عارنا
ابو احمد : قصدك قبل ما ترتكب جريمة وتضيع حالك مين بدو يساعدك وانت في السجن وكيف بدك تقابل ربك وانت قاتل نفس بلا وجه حق
احمد : بابا سؤال واحد بس وين هي وهاد الرجل معها او لا
ابو احمد : ما بعرف شي ولا بعرف وين هي واحلف لو بدك
احمد : اتجه خارجا للباب وتوقف وعاد وقبل راس والده الذي كانت الدموع تتحجر في عينه وخرج دون ان يتكلم .
نام جزء من الليل ليستيقظ بعد منتصف الليل وهو يفكر كيف نسي ان يتصل عليها ويطمئنها انسل من السرير الى جانب لما وخرج الى الحديقة
واتصل عليها كان يتوقع ان تتاخر في الرد لانها تكون قد نامت ولكن من
اول رنه ردت عليه
هو : شو بعدك صاحيه ؟
هي : مش ح اقدر انام وانت مكلمتنيش وبعدين انا اتصلت انت ما رديتيش عليه
هو : اه بس انا كنت مشغول ما حسنت ارد عندي اشياء لازم اجهزها قبل ما نجتمع بالناس شو مفكرة . اوعديني تنامي وترتاحي حياتي
هي : ماشي ح انام مدام اطمنت عليك
هو : بركي ارجع بكرا بس بعد الظهر لا تخافي بدي اروح للمصانع تبعنا
هي : ماشي ح اروح انام خلى بالك من نفسك
هو : ماشي قلبي روحي انا رايح انام
بقي في حديقة المنزل وهو يسير جيئة وذهابا بقلق ظاهر واشعل سجارة مثلما هو دائما حينما لا يعرف كيف يتصرف يلجأ لحرق سيجارة مثلما يقول .
كانت لما تراقب الوضع من شباك غرفة النوم دون ان يلحظها
بدا يشعر بالبرد وضع يديه المتجمدة تحت ابطه , ويسير على غير هدى
اصطدم في لما التى كانت تحمل جاكيت له لتحميه من البرد
هو : انت شو صحاك
لما : لم ترد فلم تراه جيدا في الظلام ولم تعرف اذا كان قال شي اصلا
هو : عرف انها لم تعرف انه قال شي من ردت فعلها والتى هي العودة على اعقابها "لحقها وامسك بيدها وضمها الى صدره وادخلها معه تحت الجاكيت ودخل معها للمنزل .
لما : نظرت الية وتسالت بيدها شو فيه ؟
هو : امسك بيدها وقال شو اعمل كيف احميك واحمي ابني واحمي اخوك
لما : امسكت نفسها حتى لا تبكي وفتحت درج واخرحت القلم والدفتر وكتبت : انا اعرف ان الانسان يحاسب بعد ما يعمل اللى عليه اخي شو عمل أي ساعد مشان نعيش بس كان يقدر يعمل اكتر هلا انا باعرف انه كان يقدر يرسل مصاري اكتر بس هو كان بدو يحقق احلامه ما حدا لامه على انه بدو يحقق حلمه حقه بس ليش يلومني اني حققت حلمي في ان اختى تظل حدي ما عندي استعداد افقد اختى مثل ما فقدت ماما
وهلا بس مشان ما يجرس او حدا يحكي عنه ولانه عارف انه ما ح يموت لما يقتلني بدو يضحي بيه لكن انا مح اسكت ح اشكي عليه شو رايك
هو : لا لا شو تشكي انت بتكوني تفضحي كل شي يعني هيك لازم اظهر في الصورة وبعدين ممكن يقدرو يمنعوه او لا يعني مو مضمون انه ما يقتلك فهمت ؟
لما : اه صح انت لازم تحمي حالك وتحمي سمعتك وهو بدو يظهر ابظاي
قدام الكل على حساب دمي وانا شو انا العيب اللى لازم واحد يخبيه والتاني يخلص منه انت وهو متل بعض .
هو : اقترب منها وضمها بقوة وقال لا ما تحكي هيك انا لا يمكن اعمل شي بيضرك بس العالم هيك قاسي لازم تفهمي والله حتى هو تحت ضغط العالم شو نقدر نعمل بس
لما : بدات تبكي وهي تحدث نفسها شو اعمل بدي ارسم واحكي المي والم كل الصامتين حتى لو عندهم صوت بدي اقول كفاية ظلم شو اقدر اعمل
كانت احاطته بكل قوتها وكانما تبحث عن امان في صدره وهو شعر بها ,
قادها الى غرفة النوم وبقي حاظنا لها وراسها تحت دقنه وكل جزء من جسمها محتوي بذراعيه وكانما يحيطها من كل شي في العالم هدات
في هذه الوضعيه قبل راسها , رفعت وجهها امتنانا له
قبل عيناها ونظر اليها وهو يقاوم بين رغبته وعقله ووعده لوالدها بان لا يعلقها به .
لم تترك له فرصة كبيرة ليفكر فقد كانت تريده اكثر مما يفكر عقلها وعقله
حركت يدها خلف رقبته وقبلته بشده لم يعرف كيف له ان يقاومها او يبتعد عنها ونسي كل وعوده لابو احمد وترك غرائزه تقوده حيث تريد
اما لما فقد قررت ان تحبه وتعطيه طالما هو معها وعندما يحين الوقت ليتركها مثلما قال لتحزن للحب والحرمان ولكن الان لتاخذ ما تستطيع من
ذكريات الحب والامان الذي لن تجده في يوم اخر وليكن ذكري بقدر حلاوتها مرارتها وبقدر اشتعالها احراقها لم يعد لديها الكثير من الوقت او حتى العقل والمنطق ربما تكون هذه اخر لحظات سعادتها في هذه الحياه .
مع اول ساعات الصباح استيقظت هي واعدت شي لتفطر به
وارسلت رسالة له قالت له "حلمت فيك وصحيت وانا حاسة انك جنبي
مش عارفه ايه بالضبط تحكي معي اعطيتني شي وقلت خلى بالك منه "
يمكن ح تعطيني الولد .رايحة اعمل فطور وح اعمل لك معايه واتخيلك
تفطر معاية "
واخذت الجهاز الاخر وارسلت لخالد : بدي اقابلك واعرف شو صار معك ونحكي في كل شي واعطته العنوان
في بيت الحديقة كان النوم متاخر والاستيقاظ كذلك
صحيت اولا لما وهي تشعر بحركة طفلها اشد واقوى وركلة شعرت بقوتها .
استحمت وخرجت وهو ما يزال نائما اتجهت للمطبخ واعدت افطارا وعادت اليه ولكن كان ما يزال نائما احتارت هل توقظه ام تتركه كان من الواضح انه مرهق جدا فلم ينم وسافر فترة طويلة وهو يحمل هم حياتها وحياة ابنه .قررت اخيرا ان توقظه ,داعبت شعره حتى فتح عيونه
هو : كم صارت الساعة
لما : كتبت 12 الظهر
هو : لا ليه لهلا تركتيني نايم
لما : كتبت " كنت ميت نوم يعني خفت اصحيك وانا ما صار لى ساعة وشوي صاحيه بدك تفطر يلا "
هو : جلس وحرك يده بمعني روحي
خرجت لما وفتحت موسيقى ابنها المفضلة واعدت افطار وجلست
بعد ربع ساعة كان هو الى جوارها في المطبخ ويقرأ رسالة زوجته
وضعت لما له طعام وجلست بعيد عنه وتراقب ردات فعله
كان يكتب ردا على زوجته ويعد ما يريد اكله ولم ينظر الى لما
شعرت بالم لم يجعلها تكمل اكلها وخرجت وتركته ياكل
دخلت مرسمها الذي تجد فيه نفسها كما يجب ان تكون بعيده عن كل
نواقصها وضعف قلبها وخيبة مشاعرها .
هو : رد على زوجته " يا حياتي انا وين ما كنت بتظلى هون في قلبي
شو ما عمل جسمي بتظلى انت سيدة قلبي وملكة عقلى ما بدي احكي لك كتير لانك عارفة انت اخدت احلى واغلى هدية في حياتي هي قلبي اللى هو اصلا معاك وملك ايدك "
وصلها رده وفكرت ماذا يعني بذلك شو قصدو شو ما عمل جسمي يعني قصدو انه ممكن جسمه يغلط بس قلبه لا
هي: اه فهمت هو عمال يعترف انه معاها هو دا المعني ولو انه مش عايز يعترف رسمي بس عاوزني افهم انه جسمه صار لنا الاتنيين بس قلبه
ليه وبس , بس انا مش ح اخلى حد ياخد منك حاجة ولو كنت افكر اني اتراجع عشان كنت خايفة انه يقتلها بس بعد الكلام دا تبقي حكمت عليها بالقتل وانا ح اعرف ازاي اعملها وشعرت بغضب عارم منه ومن الخرساء التى اخلت بالوعد ومن نفسها اكثر .
دخل هو على لما :
هو : ربت على كتفها حتى تراه وقال : لازم تخرجي من البلد روحي اعدي حاجاتك الاساسية ويلا
لما : نظرت الية بغرابه وكتبت وين نروح ؟
هو : تعالى معي ع الشام مافي حدا بدو يشك انك هنيك واحكي للكل انك هربت من الخوف لما عرفت ان اخوك بدو يقتلك شو رايك
لما : يعني ما ح اشوف اختى غادة ؟
هو : انت لو بقيت هون ح تموتي وبعمرك ما تشوفيها بس هيك احنا بنشتري وقت حتى يا نعرف نوصل لحل مع اخوك يا يياس من التدوير عليك ويرجع ع شغله الوقت بيحل كل شي بس هلا لازم اخرجك من هون
لما : بس انا ما بدي ؟
هو : لازم وبعد ما تولدي نحكي عن جديد شو ممكن نعمل
لما : وابقى هنيك لحالى ما بقدر
هو : لا انا اروح واجي وبدي افكر في شغلة بس خليني افكر شوي
لما : اودع بابا واختى
هو : لا لا انا ح اقول لابوك بس ما ح اقول له عن مطرحك وانت لا تحكي انت وين لاي حدا حتى بيك فهمانة ولا حدا ممكن ابوك يضعف لو عرف مكانك او ما بتعرفي شو ممكن يصير او بركي يحكي لمرتي وانا بدي اقول لها انك هربت مشان ما تقول بدها الولد وتعمل مشكل لو ما اعطيتها الولد وما بتعرفي شو ممكن يصير بس هيك بقدر اخليك مع الولد
لما : كتبت : هلا نروح ما بقدر لوحاتي وحاجاتي و
هو : لا اتركي كل شي خدي بس الضروري مشان اقدر اقول انك هربت شو الهريبة اذا انت شايلة كل شي وما تخافي بعد شوي راح اجيب لك كل حاجاتك ماشي
لما : طيب وذهبت لاعداد اهم الاشياء التى تحتاجها
...................يتبع


[/color]