تكات في الطبيخ 000000

موضوعي النهارده بيتكلم عن تكات الاكل
بمعني كل واحد مننا ليها تكه في الاكل بيفرق اكلها عن اي حد تاني

عاوزه تفاعلكوا معايا
كل واحده تدخل تقول تكاتها

اول تكه ليا

المحشي

ضيفي على الخلطه بتاعته شويه نعناع ناشف بيدي طعم روووعه
كمان عايزه المحشي بيلمع عارفه لما بتحمري اللحمه او الفراخ مع المحشي ضيفي المتبقي من التحمير الزيت او السمن على المحشي بيخليه يلمع
كمان النخاع (بيبقى في الماسوره )بتجبيها من عند الجزار ضيفيه على المحشي وهو بينطبخ بيدي طعه هايل

اتمنى الموضوع يعجبكم وتقيموه

انا بقى هقول

لما بعمل الفته واللحمه والارز
بعمل اشياء معرفش الكل بيعرفها ولا لا

العيش بحطه فى صاج بالفرن طبعا بعد تقطيعة الى قطع صغيرة وكمان بضيف عليه معلقة سمن بلدى متوسطه الحجم واقلب السمن بقطع العيش واسبهم بالفرن ربع ساعه
هنا بلاقى العيش بقى مقرمش وده بيمسك نفسه لما بضيف الشوربه عليه
اما الارز بفضل ما حطتش عليه اى سمن أعمله مسلوق واضع له قليل من الملح ومعلقه خل

أما الثوم والبصل
بقوم بعمل بصله تقشرها وتقطيعها لقطع صغيره جدا
وكمان ثوم على قد ما تقدرى وتحبى ويهرس الثوم
هنا بضع معلقه سمن بالطاسة واسقط البصل اولا للتحمير قبل التوم
لان البصل بياخد وقت بالتحمير اكتر من التوم السريع التحمير

بعد تحمير البصل اسقط التوم واحمرهما معا واحصل على لون برونزى فى التحمير

هنا اسقط قليل من الخل على البصل والثوم المقلى
طششششش
هههه
المهم اسقط بعدها صلصة الطماطم

واضيف قليل من الملح والجنزبيل لما له من قدره على اذابه الدهون وشويه قرفه لايذكروا قليله جدا
وتكون النار هاديه قوووى
واغطيها ولا انساها لانها مش بتاخد وقت

التكه هنا بتاعتى
هو اضافه الخل على الثوم والبصل
وكذلك تقطيع العش الى قطع صغيره وخلطها بالسمن البلدى ووضعها بالفرن حتى احصل على عيش مقرمش بالفته مش طرى وسايب مهلهل بعد اضافه الشوربه عليه

وكمان ياريت اشوح اللحمه بتاعه الفتة فى السمن وارفعها على طول

اجيب بقى صنيه كبيره
ضع العيش الاول
وبعدين ادفس قطع اللحمه فى وسط العيش

ثم اضيف الارز فوق سطح العيش كله
ثم أضيف صلصة الطماطم

ام بصل وثوم وخل

وسخنه نار

يااااه ريحتها طلعت

بألف هنا وشفا عليكم

هههههههه
جعتوا صح