الشخصيه المصريه

الشخصيه المصريه

هى شخصيه جميله خليط من كل الصفات . الفكره إن إحنا عايزين نعمل حلقات عن الشخصيه المصريه بكل ملامحها وصفاتها سواء كانت إيجابيه أو سلبيه

يعنى كل حد فينا ياخد صفه فى المصريين سواء عجبته أو لأ ويكلمنا عنها

عايزين نعرف المصريين كانوا إيه ودلوقتى وصلوا لفين والمستقبل شايفينه هيكون عامل إزاى

طبعا ده مش مجرد موضوع بس إحنا عايزين نوصل فى النهايه لكل حاجه عن المصرى ونوضح لبعضنا اللى غايب عن أى حد فينا

كل واحد يحاول ينبه غيره على حاجه هو يكون شايفه لو إيجابيه نكمل فيها ولو سلبيه نحاول نصلحها لبعض ونستفيد من عدم تكرار الغلط

أنا هبدأ بنفسى وأنا هتكلم عن صفة **القلب الحنين**

اللى هى أصلا السبب فى إن الناس قادره تعيش مع بعضها

أنا إخترت الصفه دى بالذات لأنها أقرب صفه لقلبى وأكتر صفه بدور عليها دايما فى اللى قدامى الشخصيه الحنينه دى بتكون حتى حنينه فى زعلها

ومبتستحملش زعل غيرها منها يعنى أكيد السماحه مرتبطه دايما بيها

أما بالنسبه لوجودها فى الشعب المصرى فهى فعلا مستوطنه فيه من قديم الأزل . لكن مش فى كل المصريين طبعا

فى بعض ناس بيعتبروا إن الحنيه دى ضعف

بس اللى لاحظته إن حدتها بدأت تقل مع الزمن يعنى الأول كانت عند معظم الناس دلوقت بقى صعب تدخل بيت وتلاقيها فيه إلا عند الأم طبعا والغريب إن

نفس الإنسانه بتكون مش حنينه مع غير ولادها

خليكوا إيجابيين

يسلمووو اختى بارك الله فيك