شروق الامل نائبة المدير العام
العمر : 37 السٌّمعَة : 5 نقاط : 2135 عدد المساهمات : 1127 تاريخ التسجيل : 07/11/2011 الدولة : الاوسمة : عدد الاوسمة التى حصل عليها : 10
| موضوع: قصة شاب بيفضفض بمشكلته وبيسأل أيه الحل ؟؟؟ السبت نوفمبر 12, 2011 8:56 am | |
|
انا بقالى شهر بكلم بنفسى ..... اجيبها يمين شمال مش راضية تظبط قولت لنفسى ياعم انت مغلب نفسك ليه ........... (اسال & استشير) حبايبك كتير وهم هيقولولك المفيد لانهم اكتر منك معرفة وخبرة وكمان ناس كتيرة ممكن تكون مرت بالتجربة دى
الاول للمعلومة انا مقيم فى السعودية ومعنديش اى تخطيط للسنتين الجايين شكلهم ايه لحد دلوقتى (ودى حاجة غيظانى لانى مش بعرف اعيش من غير تخطيط)
الفكرة انى عندى شقة فى احدى المدن الجديدة (ولسه عليها اقساط) عشان اشطبها محتاج 21 شهر ابتداء من الشهر الجاى يعنى اخلصها كدة على ابريل 2012 (طبعا من غير الاثاث والاجهزة والحجات دى) عشان اجيب اثاث واجهزة ولزوم الفرح والدوشة دى محتاج حوالى من 7 لـحد 9 شهور تانيين وعشان اجهز شقة فى السعودية يبقى هقفل السنة
يعنى كله كله بالحسابات وشيتات الاكسيل يخلص نهاية 2013 يعنى بعد 3 سنين ونص
وكل الدوشة دى وفعليا مش هعيش فيها يعنى اخرى شهر فى السنة (وياريت اقعد فيها الشهر كمان) مشكلة كمان انها محتاج عربية ولازم تكون جديدة عشان تقدر تعيش وتتعايش مع القاهرة (انا اصلا معنديش عربية)
مشكلة كمان عرفتها من ناس كتيرة ان الخشب والاثاث بيبوظ لان الشقة طبعا مش بتتهوى ومش عارف النقاشة بيحصلها ايه كمان يعنى ممكن لما اقرر استقر فيها الاقيها محتاجة شغل تانى
-----------
من ناحية تانية لو من غير تشطيب شقة فممكن اتجوز باذن الله بعد من 6 لـحد 8 شهور بس فى الحالة دى مش هيبقى عندى شقة وانتوا عارفين ان الحاجة اللى تتعمل قبل الجواز بسنة بتتعمل بعد الجواز فى 5 سنين وكمان عارفين ان طبيعة العمل فى الخليج مفهاش امان يعنى وانت عايش فى الحاضر لازم عينك تبقى باصة عالمستقبل وعالاقل عامل خطة بديلة فى الحالة دى لو حصل حاجة هلاقينى انا وبنت الناس فى الشارع طب انا لو لواحدى مش مشكلة هتصرف وهتتحل .............. طب بنت الناس دى مينفعش تتبهدل معايا عشان انا مخططتش كويس
------------
بصراحة انا بين نارين وعايز حد عاقل يفهمنى هى المفروض تيجى ازاى
--------
سؤال كدة على جنب
هو لازم اللى يتجوز يكون مخلص شقتة كامله حتى لو مش هيعيش فيها؟ طيب هو ايه الفرق بين الشقة التمليك والايجار ؟ وايه الفرق بين الشقة المتاسسة والشقة اللى عالغافق؟ طيب لو فيه ابهات وامهات هنا او حتى شباب فى بداية الحياة ترضوا تجوزوا بناتكوا وولادكوا من غير شقة او ترضوا تتجوزوا من غير شقة؟ طالما طالما انتوا رضيتوا ... انتوا عملتوا تخطيط لاى مشكلة ممكن تحصل فى المستقبل؟ وهل فى الحالة دى هيبقى الواحد حاسس بامان ولا هيبقى عايش قلقان؟
أشكركم جدا عالاهتمام من أخوكم الحيران معلهش تاعبكوا معايا....... بس الانسان ايه غير شوية مواقف وسلوكيات وحبة خطط كتيرة متكومة فوق بعضها
دى قصته أيه رأيكم ياشباب نقول له يعمل أيه بقى ؟؟
كتبتها لكم
شروق الامل
| |
|
ملاك وصعب الامتلاك المشرف العام
العمر : 28 السٌّمعَة : 9 نقاط : 1777 عدد المساهمات : 870 تاريخ التسجيل : 06/09/2011 الاوسمة : عدد الاوسمة التى حصل عليها : 10
| موضوع: رد: قصة شاب بيفضفض بمشكلته وبيسأل أيه الحل ؟؟؟ السبت نوفمبر 12, 2011 1:05 pm | |
| | |
|
البرنسيسة كوكى المشرف العام
السٌّمعَة : 7 نقاط : 770 عدد المساهمات : 380 تاريخ التسجيل : 30/08/2011 الاوسمة : عدد الاوسمة التى حصل عليها : 8
| موضوع: رد: قصة شاب بيفضفض بمشكلته وبيسأل أيه الحل ؟؟؟ السبت نوفمبر 12, 2011 10:14 pm | |
| | |
|
البرنسيسة كوكى المشرف العام
السٌّمعَة : 7 نقاط : 770 عدد المساهمات : 380 تاريخ التسجيل : 30/08/2011 الاوسمة : عدد الاوسمة التى حصل عليها : 8
| موضوع: رد: قصة شاب بيفضفض بمشكلته وبيسأل أيه الحل ؟؟؟ السبت نوفمبر 12, 2011 10:15 pm | |
| | |
|
شروق الامل نائبة المدير العام
العمر : 37 السٌّمعَة : 5 نقاط : 2135 عدد المساهمات : 1127 تاريخ التسجيل : 07/11/2011 الدولة : الاوسمة : عدد الاوسمة التى حصل عليها : 10
| موضوع: رد: قصة شاب بيفضفض بمشكلته وبيسأل أيه الحل ؟؟؟ الأحد نوفمبر 13, 2011 4:28 pm | |
|
قصة شاب بيفضفض بمشكلته وبيسأل أيه الحل ؟؟؟
| |
|