بابا جعلنى معقده نفسيا

زائر

أنا مشكلتي تكمن في إني معقدة نفسياً
تقريباً؛ بس إيه السبب مش عارفة.. أنا مشكلتي إني كتومة جداً زيادة عن
اللزوم، وده وصّلني لدرجة من العزلة بس العزلة في بيتنا، يعني بعدت أوي عن
أبويا، وعلاقتي بيه تقريباً فيها نوع من الجمود.

هو اتغير كتير عن
زمان؛ بس أنا مش قادرة أنسى أيام زمان ومشاكلها.. أنا عارفة إن كل بيت
مليان مشاكل وده الطبيعي؛ بس ده اتخزّن جوايا، وبعدت عن أبويا، وما كانش
يعرف عن حياتي حاجة ولا إحنا اتربينا إزاي.. أمي هي اللي ربتنا بأعصابها؛
لدرجة وصّلتها إنها بقت دلوقتي عصبية جداً، وأنا كمان بقيت عصبية؛ بس في
بيتنا بس.. بره البيت باضحك وباهزّر ومرحة وبيضربوا بيّ المثل.

المشكلة
إن فيه شخص أنا مرتاحة له؛ بس أنا من كتر الضغط والوحدة اللي أنا باحس
بيها مش قادرة أحس حتى بالحب، ده برغم إن عندي أصحاب كتير؛ بس مش باقدر
أثق إني أحكي لحد عن مشاكلي.

مش عارفة ليه أنا متلخبطة جداً
وتعبانة أوي.. خايفة من عقاب ربنا أولاً إن يكون ده فيه عقوق للوالدين؛ بس
أنا باتعامل مع أبويا عادي؛ يعني بانفّذ كل طلباته؛ بس مش قادرة أحسّ بالأبوّة دي.

ده عيب من الاب ف الاساس لانه بعد عنك وانتى بطبيعتك انسانه اتكيفتى على الوضع ده ومن الصعب انك تتغيرى
واكيد ف ناس كتير عندهم نفس المشكله وانا واحد منهم بس مفيش حاجه اسمها مستحيل
واحنا نقدر نغير كل ده لو عندنا ارادة قويه ..
واخيرا اتمنى ليكى الخير وشكرا ع موضوعك

» يا رب ... اموت انا ويعيش بابا